Հին իմաստուն ասացվածքն ասում է. «Մի ծնվիր գեղեցիկ, այլ ծնվիր երջանիկ»: Սա իմանալով հանդերձ, առավոտյան մոտենում ես հայելուն ու. «Ի՜նչ ահավորն եմ: Ինչքա՜ն կուզենայի լրիվ ուրիշ տեսք ունենալ: Եվ ո՞ւմ եմ ես պետք, տղամարդիկ անգամ չեն նայում իմ կողմը»,- մտածում ես ու հագնելով ամենօրյա սովորական հագուստդ, հապճեպ սլանում աշխատանքի: Իսկ մի՞թե հնարավոր չէ հայելուց հեռանալ ինքնագոհ ժպիտով, փայլող աչքերով և այն համոզմամբ, թե դու աշխարհի ամենահմայիչ կինն ես: Հնարավոր է: Պարզապես, կարևոր է իմանալ, որ.
Դուք ինքնավստահ եք Գեղեցկության հիմնական շարժիչը սեփական գիտակցումն է: Քայլիր հպարտ կեցվածքով և այն տպավորությամբ, թե անգամ քո կրած սովորական զգեստը Փարիզի ամենաթանկարժեք խանութից ես գնել: Մեծ նշանակություն ունի նաև բնավորության առանձնահատկությունները: Պետք է ազատվել բարդույթներից և հասկանալ, որ ժպիտն ու ուրախ տրամադրությունը փոխանցելի է շատերին... Դուք հիասքանչ եք Նայիր շուրջդ: Բոլոր տղամարդիկ չէ, որ ընտրում են սուպերմոդելի դեմքով, 90-60-90 կազմվածքով աղջիկներ: Շատ հաճախ արտաքինով ոչնչով աչքի չընկնող աղջիկը երկրպագուների մեծ բանակ է ունենում: «Ինչո՞ւ»,- կհարցնեք դուք: «Նրա հետ ուրախ է, հետաքրքիր և կարելի է ամեն ինչի մասին զրուցել»,- կպատասխանի նրա երկրպագուներից մեկը: «Նա միշտ պատրաստակամ է լուծելու ցանկացած պրոբլեմ: Նրանից ինչ-որ ջերմություն է ճառագում»,- կպատասխանի մյուսը: Հմայքը ներսից պետք է բխի: Ինքներդ ձեզ վերլուծեք` ինքանո՞վ եք տիրապետում այդ արվեստին: Գուցե ժամանակն է ինչ-որ բան փոխե՞լ... Դուք խելացի և սրամիտ եք «Հագուստով դիմավորում են, խելքով ճանապարհում»,- ասում է հայտնի ասացվածքը: Հարկը չկա խելքը ցուցադրաբար հրամցնել: Իսկական կինը երբեք տղամարդուն ցույց չի տա իր մտավոր առավելությունները: Ընդհակառակը, նա պետք է թույլ տա, որ տղամարդը զգա, թե ինքն ավելի խելամիտ է, ողջախոհ: Բայց, երբ կինը սրամտում է, ապա հումորի զգացում ունեցող տղամարդուն նա թվում է աշխարհի ամենահետաքրքիր կինը... Դուք շփվող եք Ձեզ հետաքրքիր է շփվել մարդկանց հետ: Ունեք շատ ընկերներ, որոնք ասում են, թե ձեր գնալուց հետո իրենք տխրում են: Մի՞թե սա քիչ է, որ համարվեք գեղեցիկ ու ցանկալի: Ճիշտ է, գուցե ձեր արտաքինը զիջում է ձեր ընկերուհու արտաքինին, բայց բոլորն ասում են, որ ձեզ հետ շփվելով այն տպավորությունն են ունենում, թե 100 տարի ճանաչում են: Սա նշանակում է` դուք հետաքրքիր զրուցակից եք և սպասված հյուր... շարունակությունն՝ այստեղ:
ՀՈԼՈՎԱԿՆԵՐ (տեքստային հոլովակները դիտեք լիէկրան /fullscreen/ ) <
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 3130 |
| | |
