Նույնիսկ փոքրիկ նվերը, որը կուրախացնի մեր մտերիմներին, պետք է նախապես լավ մտածված լինի: Նվերի ընտրության հարցում կողմնորոշվելու համար, հավանաբար, ավելի հեշտ կլինի իմանալ, թե ինչ նվեր սովորաբար չեն սիրում ստանալ մարդիկ:
Տղամարդիկ չեն ուրախանում, երբ իրենց նվիրում են գուլպաներ, ներքնաշորեր, ննջազգեստ, թաշկինակ և սուր հոտով օծանելիք, որը շատ հաճախ չի համապատասխանում իրենց նախընտրած բուրմունքին: Տղամարդիկ չեն ցանկանում նաև նվեր ստանալ փողկապներ, որոնք հարմար չեն ունեցած շապիկների գույներին:
Կանայք չեն ցանկանում նվեր ստանալ բաժակներ, թավաներ, գոգնոցներ, սպիտակեղեն և օճառի հավաքածու: Կանայք «տանել չեն կարողանում» էժան բիժուտերիա, շրթներկ, դեմքի կրեմ: Նույնիսկ, եթե դրանք թանկ լինեն, դժվար թե նվիրողը կարողանա գուշակել անհրաժեշտ գույնը, որակը և այլն: Կանայք կտխրեն, եթե նվեր ստացած զուգագուլպաները կամ ներքնաշորը իրենց հագով չլինի, ուստի այդպիսի նվերներից նույնպես պետք է ձեռնպահ մնալ:
Իսկ ի՞նչ նվերից կանայք կուրախանան: Այդ մասին տղամարդիկ իրենք պետք է մտածեն. չէ՞ որ հենց իրենք էին ցանկանում, որ «կնոջ մեջ լինի գաղտնիք»:
Երեխաներին դուր չի գալիս, եթե նվեր են ստանում գրենական պիտույքներ, քանի որ կարծում են, որ տետրեր, գրիչներ և այլ պարագաներ պետք է իրենց համար գնեն ոչ տոնական օրերին: Երեխաները սովորաբար չեն սիրում նաև այնպիսի նվերներ, որոնք չեն կարողանա «օգտագործել» և դրանք պետք է մնան պահարաններում՝ իբրև հուշանվեր և գեղեցկություն:
Դեռահասները նյարդայնանում են, երբ իրենց նվիրում են մանկական խաղալիքներ. բացառություն են կազմում փափուկ և մեծ խաղալիքները: Չեն սիրում նվեր ստանալ հողաթափեր, ննջազգեստներ և այլ առօրեական իրեր, որոնք կարելի է գնել անկախ տոնական օրից: Դեռահասները չեն ուրախանում նաև հանրագիտարաններից, բառարաններից և այլ «խելոք» գրքերից:
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին:
