Սերն արդեն վաղուց գիտնականների հետաքրքրությունների առանցքում է: Դրա արդյունքում հաճախ ապացուցվում է սիրո այնպիսի տարրերի գոյություն, որ մենք ակամա հուսադրվում ենք, իսկ երբեմն էլ գիտնականները թևաթափ են անում մեզ իրենց հայտարարություններով: Այսօր կխոսենք սիրո այն երեք բաղադրիչների մասին, որոնց գոյությունն արդեն հաստատվել է գիտականորեն:
Ուղեղը «անջատվում է» սիրելիս: Գիտանականները պարզել են, որ մարդու ուղեղը «անջատվում է» սիրահարության առաջին տարիների ընթացքում: Դա մարդու համար ունի կենսական նշանակություն, քանի որ, եթե չլիներ այս փաստը, մարդիկ առաջին իսկ օրից կտեսնեին միմյանց թերություններն ու այդպես էլ չէին ցանկանա որևէ մեկից երեխա ունենալ:
Գոյություն ունի սեր առաջին հայացքից: Գիտնականներին հաջողվել է ապացուցել, որ մարդու ուղեղն ունակ է սիրո հորմոններ արտադրել վայրկենական, հենց որ հայացքը հանդիպում է կրքի օբյեկտին: Սերն առաջին հայացքից այնքան էլ ամուր ու վստահելի չէ, բայց շատ կրքոտ է:
Սերը կարող է հասցնել «խելագարության»: Պարզվում է` իզուր չեն սիրահարների մոտ հաճախ նկատում մոռացկոտություն, ցրվածություն, նույն գործողության մեխանիկական կրկնություն և այլն: Գիտնականները պնդում են, որ եթե սիրո սերոտոնին հորմոնը հայտնվում է մարդու արյան մեջ, հնարավոր են դառնում մի շարք հոգեկան խանգարումներ:
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին:
