Սերմնահեղուկը տղամարդու օրգանիզմում սկսում է ձևավորվել սեռահասունության տարիքից մինչև կյանքի վերջ: Այլ հարց է, որ դրա որակն ու արդյունավետությունը տարիքով, հիվանդություններով ու ապրելակերպով պայմանավորված, կարող է ընկնել կամ առհասարակ հանգեցնել անպտղության: Սերմնահեղուկի որակի վերաբերյալ տղամարդկանց համար երկու նորություն. մեկը լավ, մյուսը` վատ: Վատ նորություն այն է, որ սերմնահեղուկի որակի վրա ազդում է գործնականում ամեն ինչ, լավը այն նորությունն է, որ դա վերահսկելի է, ու կորուստները հնարավոր է վերականգնել:
Ահա 6 գործոն, որոնք բացասաբար են ազդում սերմնահեղուկի որակի վրա ու կարող են հանգեցնել անպտղության: Վատ սովորություններ կամ քիմիա Ինչպես արդեն վերևում նշեցինք, սերմնահեղուկի որակի վրա ազդում է գրեթե ամեն ինչ, սակայն ամենատարածված ու բացասական իմաստով գործուն խթանիչներն են ծխելը, ալկոհոլը և թմրանյութերի գործածումը: Թմրանյութերի օգտագործումը 50 տոկոսով նվազեցնում է սերմնահեղուկի կոնցենտրացիան և արդյունքում հագեցնում է անպտղության: Մյուս վտանգը անաբոլիկների գործածումն է, որ հանգեցնում է սերմնահեղուկի շարժունակության և կենսունակության անկման:
Սեռավարակները, մասնավորապես՝ այսպես կոչված «նոր» սեռավարակները հիմնականում ախտանիշներ չեն ունենում կամ արտահայտվում են բավական ուշ: Դրանք պետք է արագ կանխարգելել, քանի որ տարբեր հաշվարկներով՝ սեռավարակի խորացումը 30 տոկոսով մեծացնում է անպտղության հավանականությունը: Եթե ցանկանում եք առողջ լինել, ապա տարվա մեջ գոնե 3 անգամ պետք է պրոֆիլակտիկ ստուգման գնաք: Գերտաքացում Տղամարդկանց շրջանում բավական տարածում ունի այցելությունը շոգեբաղնիք: տղամարդիկ սիրում են գնալ և ժամերով «հալվել» 35 աստիճան տաքության մեջ: Սակայն սա ուղղակիորեն ազդում է սերմնահեղուկի վրա: Գերտաքացումը գցում է սերմնահեղուկի որակը, ազդում է շարժունակության և քանակի վրա: Նոթբուք Նոթբուքը այն գործոններից է, որ բխում է գերտաքացումից: Ոչ մի դեպքում նոթբուքը մի դրեք ծնկներին աշխատելու կամ խաղեր խաղալու համար: Բացի գերտաքացումից, ինչի մասին խոսվեց վերևում, այն նաև ճառագայթում է առաջացնում, եթե համակարգիչը միացված է համացանցին: Ճառագայթում գումարած գերտաքացում հավասար է անպտղության սկիզբ: Նեղ ջինսեր ու ներքնազգեստ Սա 21-րդ դարի ամենատարածված «խթանիչներից է»: Ամորձիները սեղմումը առաջացնում է արյան կանգ սեռական օրգանների շրջանում, սա էլ իր հերթին ազդում է էրեկտիլ ֆունկցիայի վրա, արյունը չի հասնում համապատասխան օրգաններին, սերմնահեղուկը մնում է «թերսնված», հետեւաբար նաև անառողջ: Գերծանրաբեռնում Սպորտով զբաղվելը կամ մարզասրահում բարձր քաշեր բարձրացնելը, իհարկե, օգտակար է ու անհրաժեշտ, սակայն մի՛ մոռացեք, որ գերծանրաբեռնումը անմիջական ազդեցություն ունի նաև սեռական ֆունկցիայի և սերմնահեղուկի վրա: Կարգավորեք ձեր մարզումները, որպեսզի չառաջանա անհավասարակշռություն: Պարապմունքները չպետք է խանգարեն օրգանիզմին, այլ հակառակը` նպաստեն, որ այն լինի ավելի ֆունկցիոնալ ու առողջ: Խուսափեք մկանների ու ընդհանուր օրգանիզմի գերծանրաբեռնումից:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 3633 |
| | |
Սեռավարակներ