Kiss.am

Խառնազգի ընտանիքն արյունախառնության հիմնական ձևն է: Ընտանիքը, լինելով ազգի կարևորագույն օրգաններից մեկը, նախասահմանված է՝ սերնդագործմամբ ազգի ժառանգական հաջորդականությունն ապահովելու և իր ներսում նորահաս սերնդի ազգային սկզբնական դաստիարակությունն իրականացնելու: Ըստ այդմ՝ ընտանիքի ապազգայնացումը, որն իրականացվում է արյունախառնության և օտար բարքերի ընդօրինակման ձևով, կործանարար է ազգի գոյության համար:

Որքան էլ խառնազգի ընտանիքում ամուսինները լինեն լայնախոհ կամ, այսպես ասած, փոխադարծ սիրով, միևնույն է՝ նրանց էությունների բնական տարբերությունն, ի վերջո, իրեն զգալ է տալիս: Լավագույն դեպքում, ամուսիններից մեկը «մոռացության» է տալիս իր ազգությունը՝ լիովին կանգնելով մյուսի ազգության կողմը (հաճախ ընտանիքը չքայքայելու մտածումով) և այդպիսով՝ արհեստականորեն ազգափոխ լինում: Իսկ սերո՞ւնդը: Նա երկվության մեջ է լինում, նրանում մշտապես երկու տարբեր հոգեբանությունների պայքար է ընթանում և արդյունքում հոգեբանորեն նա մնում է երկփեղկված, ասել է՝ անլիարժեք:
Ինչպես նկատում Է Լևոն Շանթը. «Այս տեսակ հարկի մը տակ մեծացող սերունդը երկակենցաղ Էակ մըն Է, ջուրի ու ցամաքի վրա միաժամանակ ապրող, բայց ոչ ջուրին մեջ կարգին լողալ գիտե, ոչ ցամաքի վրա մարդավարի քայլել, և հաճախ կվերջանա անով, որ ջուրն ալ կատե, ցամաքն ալ, թեև իր հոգիին խորքը լուռ տենչանք մը կմնա միշտ վառ՝ կամ ջուրինը ըլլալու, կամ ցամաքինը»: 

Մուշեղ Լալայան

Հավանաբար կհետաքրքրի նաև...

Այ քեզ բա՜ն. Հայուհու և սևամորթի հարսանեկան ֆոտոշարք

Ամուսնություն օտարերկրյա քաղաքացիների հետ

10 խորհուրդ դեպի երջանիկ ամուսնություն

Նմանատիպ նյութեր

• Խառնազգի ամուսնությունների մասին
• Ի՞նչն է կնոջը դրդում ամուսնանալ առանց սիրո
• 10 խորհուրդ դեպի երջանիկ ամուսնություն
• Թեմա. Ամուսնություն առանց սիրո…
• Կարդա՛ սա, եթե ցանկանում ես ամուսնանալ (աղջիկների համար)

Նոր նյութեր

Միացեք մեզ YouTube-ում... 80հզ.+ բաժանորդ

Աղբյուրը: http://kiss.am/xarynkar/vol32/fa65f2-1-.jpg