cosmo.am

Բոլոր աղջիկները հակված են փորփրելու ու վերլուծելու սիրային հարաբերություններդ: Սակայն ինքնակեղեքումից փրկելու համար Cosmo-ն խնդրեց փորձագետներին ուղիղ, իսկապես ուղիղ պատասխանել կին-տղամարդ հարաբերություններին առնչվող ամենատարածված հարցերին:

1. Նա ասում է, թե պատրաստ չէ լուրջ հարաբերությունների: Արդյո՞ք կմտքափոխվի:

- Հավանաբար ոչ:

2. Նա ինձ հարցրեց, թե քանի տղամարդու հետ եմ քնել: Ինչպե՞ս խուսափեմ հարցին ուղղակիորեն պատասխանելուց:

- «Դե, այդ թիվն ինձ մոտ ավելի մեծ է, քան Անջելինա Ջոլիի մոտ, սակայն Փերիս Հիլթոնին դեռ չեմ կարողացել գերազանցել»:

3. Ո՞րն է նրան ծնողներիս հետ ծանոթացնելու լավագույն տարբերակը:

- Հրավիրիր նրան ծնողներիդ հետ որևէ հանգիստ միջավայրում սրճելու, բայց՝ մեկ ժամից ոչ ավելի:

4. Արդյո՞ք նորմալ է երբեք չկռվելը:

- Այո՛, եթե դուք ընդունում եք, որ կան անհամաձայնություններ և քննարկում եք դրանք:

5. Նա ինձ տվել է իր հեռախոսի համարը: Ե՞րբ է պետք զանգել նրան:

- 48 ժամ անց: Եթե դրանից ավելի ուշ զանգես, կընկալվի որպես միտումնավոր արարք, ավելի ճիշտ` կհիասթափեցնես նրան:

6. Ամեն անգամ ես հայտնվում եմ պարզապես ընկերոջ դերում: Ինչո՞ւ տղաներն ինձ չեն դիտում որպես զուգընկերուհի:

- Առանց գիտակցելու՝ դու «պարզապես ընկերներ» ազդանշաններ ես ուղարկում՝ գուցե հետագայում մերժում չստանալու համար: Ավելի շատ ֆլիրտ արա. այն, ինչը թվում է չափազանց «ակնհայտ», հավանական է, որ ճիշտ նշանակետին խփի:

7. Մենք հաճախ ենք բաժանվում, իսկ հետո կրկին միանում: Դա նորմա՞լ է:

- Ո՛չ: Մարդիկ բաժանվում են, որովհետև ինչ-որ բան կոտրվում է: Ուստի եթե չի ստացվում դա «նորոգել», մոռացիր նրան և առաջ շարժվիր:

8. Ես պետք է ձգտեմ կապվել իմ հակապատկերի՞ հետ, թե՞ մեկի, ում հետ մենք նման կլինենք:

- Ո՛չ մեկը և ո՛չ էլ մյուսը: Իդեալական տարբերակում ձեր արժեքները (այն, ինչին հավատում եք, ձեր նպատակները) պետք է համընկնեն, իսկ ձեր անհատականությունները՝ լրացնեն միմյանց (նա լինի ինտրավերտ, դու՝ էքստրավերտ):

9. Աշխատավայրում նա մտերիմ գործընկերուհի ունի, որի մասին շատ է խոսում: Արժե՞ անհանգստանալ:

- Գուցե: Առաջարկիր ուրբաթ երեկոն անցկացնել խմբով՝ բոլորդ միասին: Եթե նա չողջունի այդ գաղափարը, ուրեմն հնարավոր է, որ տարվել է այդ կնոջով:

10. Ինչպե՞ս կարող եմ պարզել, թե ինչպիսի ամուսին նա կլինի:

- Հետևիր, թե ինչպես է նա վերաբերվում իր ընտանիքին, ընկերներին և գործընկերներին: Եթե նա մշտապես հարգալից և նվիրված է, ուրեմն լավ ամուսին կլինի:

11. Ինչո՞ւ են նրա տված պատասխանները բաղկացած մեկ բառից. դա ընդամենը տղայական երևո՞ւյթ է:

- Այդպես էլ կա, բայց դա նաև ծուլությունից է: Մի՛ հանդուրժիր դա, հատկապես, երբ խոսակցությունը կարևոր է:

12. Ինչպե՞ս կարող եմ պարզել՝ նա մտովի դեռ իր նախկինի հե՞տ է:

- Գլխավոր երեք նշաններն են՝ քեզ համեմատում է նրա հետ, շտապում է ձեր հարաբերություններին լրջություն հաղորդել կամ վիրավորական արտահայտություններ է անում նրա հասցեին:

13. Քանի՞ ժամադրությունից հետո է կարելի «քնել» նրա հետ:

- Չորսը լավ թիվ է:

14. Ես սիրում եմ նրան, սակայն կասկածներ ունեմ: Դա նորմա՞լ է:

- Կանխագուշակումներ անելը բնական է, բայց եթե կասկածներդ քեզ հանգիստ չեն տալիս, ուշադրություն դարձրու դրանց:

15. Լուրջ խոսակցությունների ընթացքում նա կատակներ է անում: Ինչո՞ւ:

- Դա պաշտպանական մեխանիզմ է, և նա ժամանակ է շահում՝ հասկանալու, թե ինչ պետք է իրականում ասի:

16. Մենք ժամանակ ենք անցկացնում միասին, բայց ուշ երեկոյան նա հեռանում է՝ փոխանակ ինձ մոտ գիշերելու: Արդյո՞ք դա նշանակում է, որ նա մեր համատեղ անցկացրած ժամանակը դիտում է որպես ընդամենը սեքսի հրավեր:

- Այո՛:

17. Նախկինում մեկ անգամ նա արդեն նշանված եղել է: Արդյո՞ք դա «կարմիր լույս» է:

- Գուցե դա նույնիսկ լավ է. նա ցանկանում է ամուսնանալ, միայն թե՝ ճիշտ աղջկա հետ: Եվ պետք է հուսալ, որ այդ աղջիկը հենց դու ես:

18. Ինչպե՞ս կարող եմ մեծացնել երկրորդ ժամադրության հրավիրվելու իմ շանսերը:

- Մոռացիր այն մասին, որ կարող է լինել երկրորդ հանդիպում: Այդպես դու ավելի մեծ բավականություն կստանաս և ավելի հմայիչ կլինես:

19. Նա սիրում է խոսել «աղջկական թոթովանքով»: Դա նյարդայնացնում է ինձ: Ինչպե՞ս կարող եմ ստիպել նրան այդպես չխոսել:

- Կատակի տուր և փորձիր նմանակել նրան:

20. Որո՞նք են աշխատավայրից որևէ մեկի հետ ժամադրվելու կանոնները:

- Եթե դուք նրա հետ նույն աստիճանակարգում եք, ուրեմն համարձակ գործի անցիր: Եթե դու նրա ենթական ես կամ հակառակը, զգուշորեն քայլեր կատարիր:

21. Ինչո՞ւ նա վերցրեց իմ հեռախոսահամարը, եթե չէր զանգահարելու:

- Նա ցանկանում էր, որ իր ինքնասիրությունը շոյվի, այլ ոչ թե քո:

22. Նրա մոտ խանդի շրջան է սկսվել: Ինչպե՞ս հանգստացնեմ նրան:

- Ասա, որ դա քեզ հունից հանում է, քանի որ այնպիսի զգացողություն է առաջանում, ասես ինքը քեզ չի վստահում:

23. Ինչո՞ւ է նա անուն առ անուն հիշում աշխարհի առաջնության բոլոր հաղթողներին, իսկ մեր առաջին ժամադրությունից ոչինչ չի հիշում:

- Տղաները սովորաբար ընդհանուր պատկերն են մտապահում: Նա կմտաբերի, թե ինչ զգացումներ ուներ այդ օրը, բայց չի հիշի, թե ինչ էր ռեստորանի անվանումը:

24. Ո՞րն է դավաճանության սահմանումը:

- Ցանկացած բան, ինչ չէիր ցանկանա, որ նա իմանար՝ լինի դա թեթև ֆլիրտային SMS, թե կրքոտ համբույր:

25. Ես մի քանի անգամ ժամադրության գնացի մի լավ տղայի հետ, բայց նա ինձ չի գրավում: Ինչպե՞ս ազատվեմ նրանից: - Անպայման չէ նրան ասել այն, ինչ զգում ես: Ասա. «Ես հիմա պատրաստ չեմ զուգընկեր ունենալ: Ես ինձ վատ եմ զգում, քանի որ դու շատ լավն ես»:

26. Ինչպե՞ս նրանից ստանամ ավելի շատ օգնություն:

- Շողոքորթելով: Նրան ասա. «Դու այնքան լավ ես ....... անում»:

27. Ինչպե՞ս ազատվեմ մի տղայից, ով հետապնդում է ինձ և արհամարհում իմ ակնարկները:

- Հեռացիր:

28. Ես այնքան էլ ջերմ չեմ նրա ընկերների հետ: Արդյո՞ք դա նորմալ է:

- Այո՛: Դու նրանց հետ պետք է պարզապես ընկերական լինես, այլ ոչ թե լինես նրանց ընկերը:

29. Երբեմն խանդում եմ նրան ընկերուհիների հանդեպ: Ինչպե՞ս հաղթահարեմ դա:

- Մոտիկից ճանաչիր նրանց: Սիրելիիդ կողքին եղիր, երբ նրանք հանդիպում են, և հրավիրիր նրանց շոփինգի միայն քեզ հետ:

30. Ե՞րբ է ճիշտ ասել նվիրական «Ես քեզ սիրում եմ» խոսքերը:

- Սպասիր առնվազն 90 օր: Այդքան ժամանակ է պահանջվում՝ համոզվելու, որ ձեր միջև միայն կիրք չէ:

31. Մենք այլևս չենք ժամադրվում և միասին որևէ տեղ չենք գնում: Արդյո՞ք դա վատ նշան է:

- Հնարավոր է: Միասին արկածախնդիր բաներ անելը խթանում է դոպամինը՝ քո ուղեղի` սիրո համար պատասխանատու քիմիական միացությունը:

32. Նա ֆլիրտ է անում անմիջապես իմ աչքի առջև: Ո՞րն է պատճառը:

- Անվստահությունը. նա կարիք ունի ապացուցելու, որ դեռևս ցանկալի է...

33. Իմ քաշն ավելացել է, բայց նա ասում է, թե չի նկատում դա: Արդյո՞ք նա ստում է:

- Ամենայն հավանականությամբ, բայց սա չի նշանակում, թե դա նրա համար կարևոր է:

34. Որքա՞ն պետք է սպասեմ, որպեսզի բաժանումից հետո կրկին ժամադրվենք:

- Ամենաքիչը ութ շաբաթ: Եթե դրանից ավելի շուտ համաձայնես հանդիպել, կվանես նրան:

35. Ես հոգնել եմ հաշիվը նրա հետ մշտապես կիսելուց: Կարո՞ղ եմ այդ հարցը բարձրացնել՝ առանց նրան վիրավորելու:

- Դժվար թե: Առաջարկիր, որ հերթով վճարեք. այդպես դուք մեկդ մյուսիդ կհյուրասիրեք:

36. Ճի՞շտ է արդյոք, որ եթե մինչև ամուսնանալը միասին են ապրում, ապա հավանականությունը, որ կամուսնանան իրար հետ, նվազում է: Սովորաբար՝ այո՛:

37. Ես 30-ն անց եմ և դեռ չեմ ամուսնացել: Արդյո՞ք հավանական է, որ երբեք չեմ ամուսնանա:

- Ո՛չ: Ըստ վիճակագրության՝ 30-ն անց կանանց մոտ ամուսնության հավանականությունը բավական բարձր է:

38. Ինչո՞ւ է նա ասում. «Ցավում եմ, որ դու այդպես ես հասկացել»:

- Նա ցանկանում է անկեղծորեն ներողություն խնդրել, բայց այնքան էլ լավ չի հասկանում, թե ինչն է սխալ արել:

39. Ես տանել չեմ կարողանում նրա ծնողներին: Ինչպե՞ս վարվեմ:

- Մտածիր այն դրական հատկանիշների մասին, որոնք քո սիրելին գնահատում է նրանց մեջ, և դու կտեսնես նրանց այնպիսին, ինչպիսին նրանց տեսնում է քո զուգընկերը:

40. Արդյո՞ք հաջողություն են ունենում չափազանց բաց հարաբերությունները:

- Ո՛չ:

41. Երբեք չեմ տեսել նրան լաց լինելիս: Սա տարօրինա՞կ է:

- Ո՛չ, տղաները մեծանում են այն համոզմամբ, որ արցունքները տղամարդուն վայել չեն: Ուրեմն պետք է ասես նրան, որ քո կարծիքով՝ հոգին դիմացինի առաջ բացելն ու զգացմունքներին տրվելը սեքսուալ է:

42. Ինչպե՞ս հասկանամ, որ իմ մշտական սեռական զուգընկերը ցանկանում է ժամադրել ինձ:

- Եթե նա, բացի սեքսից, փորձում է քեզ հետ նաև այլ կերպ ժամանակ անցկացնել, օրինակ՝ քեզ ճաշի հրավիրելու թույլտվություն է խնդրում:

43. Ես միշտ իմ հարաբերությունները համեմատում եմ իմ ընկերների հարաբերությունների հետ, հատկապես՝ երբ նրանց զգացմունքների բոլոր արտահայտությունները կարող եմ տեսնել Facebook-ում: Արդյո՞ք դա խնդիր է:

- Այո՛, դա առաջացնում է ակնկալիքներ և չիրականանալու դեպքում`նեղսրտություն: Եթե չես կարողանում ազատվել այդ սովորությունից, հեռացրու այդ զույգերին քո Facebook-ի թարմացվող լուրերի հոսքից:

44. Նա ոչ ոքի հետ չի հանդիպել մի քանի ամսից ավելի: Արժե՞ զգուշանալ:

- Գուցե, բայց հնարավոր է` նա չի գտել մեկին, ում կողքին կուզեր լինել միշտ: Ուրեմն թույլ տուր նրան համոզվել դրանում:

45. Արդյո՞ք ճիշտ է ջղային վիճակում երբեք անկողին չմտնել:

- Ո՛չ: Ավելի լավ կլինի քնել և «սառել», քան ծամծմել այդ հարցն այն ժամանակ, երբ զգացմունքային և գրգռված եք:

46. Կարծում եմ, որ ես նրան դուր եմ գալիս, բայց նա ընկերուհի ունի: Ի՞նչ պետք է անեմ:

- Ոչինչ: Եթե նրա զգացմունքներն իրական են, նա ինքն ընտրություն կկատարի:

47. Ես սեռական հարաբերություն եմ ունեցել ընկերներիցս մեկի հետ: Ինչպե՞ս հասկանամ, թե նա ինչ պլաններ ունի:

- Ասա, որ լավ ժամանակ անցկացրիր նրա հետ, ապա ֆլիրտի ձևով հարցրու. «Լավ, իսկ հիմա ի՞նչ ենք անելու»:

48. Ինչպե՞ս կարող եմ հասկանալ նախկինիս հետ մեր հարաբերությունները:

- Միայն փաստերով. որքան ժամանակ եք միասին եղել, ով նախաձեռնեց բաժանումը... Այնուհետև մոռացիր այդ թեման:

49. Ճի՞շտ է արդյոք, որ պետք է ամուսնանալ լավագույն ընկերոջ հետ:

- Ո՛չ: «Ընդմիշտ լավագույն ընկերներ» լինելը սպանում է այն զգացմունքները, որոնք քեզ անհրաժեշտ են ավելի երկար հարաբերություններ ունենալու համար:

50. Ես դեռևս ունենում եմ կրքոտ հրապուրանքներ, չնայած ամուսնացած եմ: Արդյո՞ք դա առողջ երևույթ է:

- Այո՛: Կրքոտ հրապուրանքները քեզ տալիս են այն չամուսնացած չարաճճի աղջկա հմայքը, որին չկարողացավ դիմադրել քո տղամարդը, երբ առաջին անգամ հանդիպեց քեզ:

Աղբյուրները՝ դոկտոր Ջեֆրի Բերնսթայն («Why Can't You Read My Mind?»), դոկտոր Քրիստի Հարթմեն («It's Not Him, It's You» ), դոկտոր Դեյվիդ Վեքսլեր, Միջանձնային հարաբերությունների ինստիտուտի հիմնադիր

Подпишитесь на доски (Երկուսով (կին-տղամարդ շփում)) следующих пользователей Pinterest: Օգտակար.

Նմանատիպ նյութեր

• Հիմնականում ինչու՞ են վիճում սիրահարները
• Իրական սիրո ծնունդի մասին
• Սիրային կախվածությունից խուսափելու եղանակները
• Ինչպե՞ս պահպանել սիրային հարաբերությունները. պատասխանում են երիտասարդները
• Սիրելիի հետ հանգստյան օրերը անցկացնելու տարբերակներ

Նոր նյութեր

Միացեք մեզ YouTube-ում... 80հզ.+ բաժանորդ

Աղբյուրը: http://www.kiss.am/xarynkar/vol32/owghigh_harcer_patasxanner_kin-tghamard_haraberowt.jpg