Վրեժ Շահրամանյան

Հարց

Ես ու ամուսինս արդեն 5 տարի է ընդհատված սեռական կյանքով ենք պաշտպանվում, այսինքն՝ ամուսինս սերմը հեշտոցից դուրս է դատարկում: Դա վնասակա՞ր է:

Հարցին պատասխանում է ԵՊԲՀ սեքսապաթոլոգիայի կլինիկայի բժիշկ-սեքսոպաթոլոգ, սեքսոլոգիայի ամբիոնի դասախոս Վրեժ Շահրամանյանը:

- Պետք է իմանալ, որ ընդհատված սեռական հարաբերությունը, ինչպես և մյուս բոլոր հակաբեղմնավորիչ եղանակները, 100%-ով չեն պաշտպանում հղիությունից: Ինչևէ, այս տարբերակը թերևս եղածներից ամենահեշտ և ամենաէժանն է, իսկ ահա սեռական առողջության վրա նրա ունեցած ազդեցությամբ այն ամենավտանգավորն է մյուս բոլոր տարբերակներից: Բանն այն է, որ երկարատև կիրառման դեպքում, որը վերաբերում է Ձեր դեպքին, այս ձևով հղիությունից պաշտպանվելը կարող է հանգեցնել շագանակագեղձի խնդիրների առաջացման և, որպես հետևանք, ազդել սերմնաժայթքման վրա: Բացի այդ, հակաբեղմնավորման այս ձևը բացասաբար է անդրադառնում կնոջ սեքսուալության վրա և կարող է կնոջ մոտ առաջ բերել անօրգազմիա, սեռական ցանկության նվազում, նևրոտիկ ռեակցիաներ: Փաստորեն պաշտպանելով Ձեր վերարտադրողական իրավունքը՝ Դուք կործանարար հարված եք հասցնում Ձեր սեռական առողջությանը: Ցանկալի է՝ հակաբեղմնավորման այս ձևին դիմել միայն ժամանակ առ ժամանակ և ոչ մի դեպքում այն չդարձնել իբրև հիմնական, մշտական եղանակ:

Նմանատիպ նյութեր

• Ի՞նչ քանակությամբ սերմնահեղուկ է անհրաժեշտ բեղմնավորման համար. հաճախ տրվող հարցեր
• Եթե սեքսը զզվանք է առաջացնում կամ «սեքսուալ զզվանք»
• Հարց. «Ճի՞շտ է արդյոք սեռական փորձ ձեռք բերելու նպատակով առաջին անգամ օգտվել մարմնավաճառի ծառայությունից» (18+)
• Հարցեր սեքսապաթոլոգին. «Ամուսինս չի ցանկանում սիրով զբաղվել ինձ հետ» (18+)
• Ցավոտ սեքս (18+)

Նոր նյութեր

Միացեք մեզ YouTube-ում... 80հզ.+ բաժանորդ

Աղբյուրը: http://www.kiss.am/xarynkar/vol34/sex_7-1-.jpg