02:00 Քնկոտություն՝ աշխատանքի ժամին | |
Հաճախ է պատահում, երբ աշխատանքային օրվա ամենաթեժ պահին աչքերն ասես փակվում են, և դուք պատրաստ եք քնել հենց համակարգչի առաջ: Ի՞նչ կարելի է անել նման դեպքերում: Հետևեք մեր խորհուրդներին: Եթե ստիպված եք աշխատանքային ամբողջ օրը համակարգչի առաջ անցկացնել, սովորություն դարձրեք մի քանի ժամը մեկ 10-15 ր դադար տալ: Այդ ընթացքում շնչառական վարժություններ արեք, քայլեք սենյակում, մոտեցեք պատուհանին և թարմ օդ շնչեք: Անմիջապես կառույգանաք: Քնկոտության դեմ պայքարելու լավագույն միջոցներից մեկը սննդակարգին հետևելն է: Այս հարցում պետք է առաջնորդվել սնվելու «հաճախ, բայց քիչ-քիչ» սկզբունքով: Առավոտյան նախաճաշելը պարտադիր է: Այնուհետև՝ աշխատանքը սկսելուց որոշ ժամանակ անց կարելի է յոգուրտ խմել, որից 2 ժամ հետո բանջարեղենային թեթև աղցան ուտել: Մինչև աշխատանքային օրվա ավարտը, եթե քաղցածություն եք զգում, մի քանի միրգ ուտել կամ չրերով թեյ խմել: Այսպիսով՝ ձեր օրգանիզմն իր ամբողջ «ուժը» կծառայեցնի ոչ թե ծանրաբեռնված ստամոքսի պարունակությունը մարսելուն, այլ ուղեղի աշխատանքը խթանելուն: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |
|