Ո՞վ է էքստրասենս Անի Մաջնունյանի գործով երկրորդ վկան

«Ժողովուրդ»-ն անդրադարձել է անցած տարվա օգոստոսի 5-ին իր բնակարանում շուրջ 50 դանակի հարվածով էքստրասենս Անի Մաջնունյանի սպանության թեմային:

Գործով կալանավորվել էր «Յանուս» թատրոնի տնօրեն Մուշեղ Մխիթարյանը։ Վերջինս մինչ օրս չի ընդունում իրեն առաջադրված մեղադրանքը։ Այս գործով կարևոր վկան՝ Աննա Միսակյանը, իրավապահներին պատմել է, թե ինչպես է ամեն ինչ տեղի ունեցել։

Թերթի տեղեկություններով՝ Աննա Միսակյանն այս գործով միակ վկան չէ։ Կա ևս մեկ վկա, որին Մուշեղ Մխիթարյանը պատմել է եղելությունը, թե իբր ինչպես  է սպանել Անի Մաջնունյանին և հետո գնացել պատմել, թե դա արել է ու հիմա չգիտի ինչ անել։

Ի դեպ, 2016 թվականի մարտի 22-ին ՀՀ քննչական կոմիտեն այս գործն ուղարկել է դատարան։