09:27 Ինչպե՞ս է ի հայտ եկել բիկինին | |||
Առաջին անգամ կանայք բիկինի են հագել 1946թ. Ֆրանսիայում: Այդ տարի միջերկրածովյան ափերին հայտնվեցին աղջիկներ լողազգեստային այնպիսի կոստյումներով, որոնք նրանց մարմինները բացում էին ավելի, քան երբևէ: Այդ փոքրիկ լողազգեստները կոչվեցին բիկինի` Հարավային ծովում գտնվող փոքրիկ կորալյան կղզու անունից:
Բիկինին հնարել է «Ռենո» ավտոմոբիլային գործարանի ինժեներ Լուի Ռիարդը և հենց 1946թ. Փարիզի հանրահայտ լողավազանում նա կազմակերպել է կոկտեյլային երեկույթ, որտեղ էլ առաջին անգամ ցուցադրել է իր բիկինիները: Սակայն Ֆրանսիայի հարևանները` Իտալիան, Իսպանիան, արգելեցին բիկինիներով լողափերին երևալը: Ընդհանրապես, բիկինիի 67-ամյա պատմությունը պայքար է եղել տարատեսակ արգելքների դեմ: 1956թ. բիկինին առաջին անգամ երևաց մեծ էկրանին. Ֆրանսիական «անբարոյական» ֆիլմերի աստղ Բրիջիդ Բորդոն ցնցեց բոլորին` նկարահանվելով սպիտակ բիկինիով «Եվ աստված ստեղծեց կնոջը» ֆիլմում: Այս ֆիլմի ցուցապաստառներից մեկի վրա այսպիսի մի ձեռագիր գրառում է արվել` «…իսկ սատանան ստեղծեց Բորդոյին»: Արքայադուստր Դիանայի շնորհիվ բիկինին ձեռք բերեց արքայական կարգավիճակ և մինչև այսօր համարվում է խիստ նորաձև ու ժամանակակից: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |