![]() Պատասխան: Նախ պետք է ընդգծել, որ թյուր կարծիք է, թե կանայք են անպտղության հիմնական պատճառը: Հավանաբար, այս կարծիքը առաջացել է այն պատճառով, որ կանանց օրգանիզմում են տեղի ունենում բեղմնավորումն ու պտղի զարգացումը: Իրականում տղամարդու գործոնը անպտղության առումով 50% է:
Չբերության կապակցությամբ տղամարդու հետազոտությունները սկսում են հիվանդության մասին վերհուշ կատարելով (կրիպտորխիզմ, ճողվածք, խոզուկ, ամորձու հիվանդություններ, սեռական վարակներ, ծխախոտ, ալկոհոլ, դեղորայք…): Անհրաժեշտ է կատարել նաև հորմոնային քննություններ (տեստոստերոն, ՖԽՀ, ԼՀ): Վարիկոցելեն (սերմնալարի երակների լայնացում) տղամարդկանց մոտ անպտղության տարածված և բուժելի հիվանդություններից մեկն է: Այս հիվանդության վիրահատական բուժումը լավացնում է սերմնաբջիջների շարժունակությունը 70%-ով և հանգեցնում է հղիության զարգացմանը՝ 40-60% դեպքերում մեկ տարվա ընթացքում: Անպտղության այլ պատճառներից են սերմնածորանի խցանումները, որոնց պատճառով սերմնաբջիջները չեն հասնում շագանակագեղձ: Այս պարագայում ևս հնարավոր է վիրահատական եղանակով վերացնել սերմնածորանի խցանումը ու վերականգնել այն: Գոյություն ունի նաև արհեստական սերմնավորում, երբ սերմը լվացվում, խտացվում և ներմուծվում է կնոջ օրգանիզմ անմիջապես կամ կատարվում է արտաքին սերմավորում ձվաբջջի մեջ: Կան նաև սերմնագոյացումը և սերմնաբջիջների շարժունակությունը լավացնող տարբեր բուսական, վիտամինային և միներալային դեղորայքներ, որոնք որոշ պարագաներում կարող են ունենալ բարերար ազդեցություն: Ռաֆֆի Հ. Ջանեցյան, ուրոլոգ (urolog.am)
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 1384 |
| | |