Արդյո՞ք պատրաստ ես ամուսնության Տան շինարարության համար հսկայական գումար կարող է պահանջվել և որպեսզի տարիների ընթացքում այդ տունը լավ վիճակում մնա, նույնպես մեծ ծախսերի կարիք կա: Նույնը կարելի է ասել ամուսնության մասին: Թվում է, թե ամուսնանալն ինքնին արդեն մեծ ջանքեր է պահանջում, սակայն պետք է հաշվի առնել նաև ամուսնությունից հետո ջերմ փոխհարաբերությունները երկար տարիներ պահպանելու կարևորությունը:
Ի՞նչ է դա նշանակում: Այստեղ խիստ կարևոր դեր է խաղում ամուսնական հավատարմության խոստումը սրտանց կատարել: Ահա թե ինչ է Աստվածաշունչն ասում ամուսնական փոխհարաբերությունների մասին. «Մարդը կ՚թողնէ իր հայրը եւ իր մայրը, եւ կ՚յարի իր կնոջը. եւ մէկ մարմին կ՛լինին» (Ծննդոց 2:24): Ամուսնական խոստումը կատարելու հանդեպ պատասխանատվության զգացումը կարող է օգնել, որ կողակիցները միասին լինեն կյանքի թե՛ ուրախ և թե՛ տխուր պահերին ու չլքեն միմյանց՝ ինչ էլ որ պատահի: Այդ խոստմանը համաձայն ապրելու համար հասունություն է պահանջվում: Ուստի ցանկալի է սպասել մինչև կանցնի երիտասարդության «ծաղկուն շրջանը»՝ այն ժամանակաշրջանը, երբ սեռական հակումը գերակշռող տեղում է և կարող է մթագնել մարդու դատողությունը: Մեծանալու հետ զուգընթաց՝ երիտասարդները կարող են արագորեն փոխվել: Վաղ տարիքում ամուսնացողներից շատերն ընդամենը մի քանի տարի հետո գալիս են այն եզրակացության, որ իրենց, ինչպես նաև իրենց կողակցի ցանկություններն ու կարիքներն այլևս այն չեն, ինչ որ առաջ էին: Վիճակագրական տվյալները ցույց են տալիս, որ երիտասարդ տարիքում ամուսնացածներն ավելի դժբախտ են և հաճախ են ամուսնալուծվում, քան նրանք, ովքեր այդ հարցում մի փոքր համբերություն են դրսևորել: Ուստի մի՛ շտապիր ամուսնանալ: Երիտասարդությանդ այն տարիները, որ անցկացնում ես որպես չափահաս և դեռ ընտանիք չկազմած անձնավորություն, կարող են անգնահատելի փորձ լինել քեզ համար, ինչը հետագայում կօգնի քեզ ավելի հասուն ու պատրաստված կողակից լինել: Ամուսնության հարցում շտապողականություն չցուցաբերելով՝ հնարավորություն կունենաս ավելի լավ ճանաչելու ինքդ քեզ, ինչը անհրաժեշտ է ընտանիքում ջերմ փոխհարաբերություններ զարգացնելու համար:
Հարցեր, որոնք պետք է հաշվի առնել մինչև ամուսնությունը Ի՞նչ պետք է իմանան նրանք, ովքեր փնտրում են իրենց սերը
Подпишитесь на доски (Ամուսնություն) следующих пользователей Pinterest: Օգտակար. Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 1144 |
| | |
